ოფიციალური სახელი: როლანდ ბორაშვილი
დაბადების თარიღი: 14 ოქტომბერი, 1947 (76 წლის)
დაბადების ადგილი: ქ. კასპი.
დაამთავრა ქ. ლენინგრადის თეატრის, მუსიკისა და კინემატოგრაფიის სახელმწიფო ინსტიტუტის ტელერეჟისურის ფაკულტეტი 1979 წელს.
1969-2006წწ. მუშაობდა კომპანია “ქართულ ტელეფილმში” ჯერ კინორეჟისორის ასისტენტად, 1989 წლიდან – კინორეჟისორად; 2003 წლიდან ეწევა პედაგოგიურ მოღვაწეობას შოთა რუსთაველის თეატრისა და კინოს უნივერსიტეტში, ხელმძღვანელობს მხატვრული კინოს რეჟისურის სახელოსნოს; უკავია ასოცირებული პროფესორის აკადემიური თანამდებობა. დამდგმელი რეჟისორია ფილმების: “ფანჯარა”(დოკუმენტური, 1980), “მერი”(დოკუმენტური, 1989), “საქართველოს ქრონიკები”(დოკუმენტური, 1991), “სიაუშ ქართველი”(დოკუმენტური, 1997), “ცარიელი სივრცე”(დოკუმენტური, 2001), “დედაოღვთისავ…”(დოკუმენტური, 2003), “მე ჯორჯ ბალანჩინი…”(დოკუმენტური, 2005) და სხვ.; სცენარის ავტორია ფილმების: “ფანჯარა”(დოკუმენტური, 1980), “მერი”(დოკუმენტური, 1989), “საქართველოს ქრონიკები”(დოკუმენტური, 1991), “ცარიელი სივრცე”(დოკუმენტური, 2001), “დედაოღვთისავ…”(დოკუმენტური, 2003), “მე ჯორჯ ბალანჩინი…”(დოკუმენტური, 2005) და სხვ.; გადაღებულია ფილმებში: “მაგდანას ლურჯა”(მიხო, 1955), “სხვისი შვილები”(გია, 1958), “მე, ბებია, ილიკო და ილარიონი”(რომული, 1962), “Бэла”(Ru, 1966), “ღიმილის ბიჭები”(ბაადური, 1969).