დაბადების თარიღი: 31 აგვისტო, 1942
გარდაცვ. თარიღი: 21 აპრილი, 1992 (49 წლის ასაკში)
დაბადების ადგილი: ქ. თბილისი.
დაამთავრა საკავშირო კინემატოგრაფიის ინსტიტუტის სარეჟისორო ფაკულტეტი 1968 წელს.
1968 წელს ლენინგრადის სატელევიზიო ფილმების სტუდიაში გადაიღო დოკუმენტური ფილმი “ყველა ჩემი შვილია” ა. სტეფანოვიჩთან ერთად; 1968-1970წწ. მუშაობდა საქართველოს სამეცნიერო–პოპულარული და დოკუმენტური ფილმების სტუდიაში; 1972 წელს შედგა მისი დებიუტი მხატვრულ კინოში; მოსფილმის ექსპერიმენტულ გაერთიანებაში დადგა ფსიქოლოგიური დრამა “დროებითი მოწმობა” ა. სტეფანოვიჩთან ერთად; გადაღებული აქვს სხვადასხვა ჟანრის ფილმები: “მშვიდობიანი დღეები”(1974), “იმედის მწვანე კუნძული”(1978), “მშვიდობით მეგობარო”(1980), “ქართველები ცაში”(1984), “ალყა”(1990); დაწერა სცენარი ფილმისათვის “ბედიანი”; ფილმ-ინტერვიუს ჟანრში გადაიღო ფილმები მოზარდთა აღზრდის პრობლემებზე “ერთი დღე უნივერსიტეტში”(1968), “დიალოგები”(1976), “70 შეკითხვა”(1980), “გაიცანით ჩვენი შვილები”(1987); ასევე დოკუმენტური ფილმი “ფრესკა”; 80-იანი წლების საქართველოს სოციალური და საზოგადოებრივი პრობლემები ასახა ილია ჭავჭავეძის ცხოვრებისა და მოღვაწეობისადმი მიძღვნილ ფილმში “რამდენიმე სურათი ილიას ცხოვრებიდან”(1987); მთავარი როლი შეასრულა ფილმში “მოგზაურობა სოპოტში”. 1974-1991წწ. ეწეოდა პედაგოგიურ მოღვაწეობას რუსთაველის სახელობის თეატრალური ინსტიტუტის კინოხელოვნების ფაკულტეტზე; 1983-1985წწ. იყო საქართველოს ტელეფილმების სტუდიის დირექტორი. 1988 წელს გ. ლევაშოვ-თუმანიშვილთან და რ. ხოტივართან ერთად დააფუძნა კინო-ფირმა “მთვარის გლობუსი”.