დაბადების თარიღი: 17 მაისი, 1925
გარდაცვ. თარიღი: 8 ივლისი, 2010 (85 წლის ასაკში)

დაბადების ადგილი: სოფელი გეგელიძეები, ქედის რაიონი.

დაამთავრა ბათუმის პედაგოგიური ინსტიტუტი 1950 წელს; მოსკოვის მ. გორკის სახელობის ლიტერატურის ინსტიტუტთან არსებული უმაღლესი ლიტერატურის კურსები 1957 წელს.

1941-1948წწ. სოფელ ცხმორისის კლუბისა და ბიბლიოთეკის გამგე; 1948-1950წწ. მეთოდკაბინეტის დირექტორი; 1950-1952წწ. აჭარის სახელმწიფო გამომცემლობის დირექტორი; 1957-1994წწ. საქართველოს მწერალთა კავშირის აჭარის ორგანიზაციის მდივანი; 1994-1995წწ. აჭარის ავტონომიური რესპუბლიკის მინისტრთა კაბინეტის პრემიების კომიტეტის თავმჯდომარე; 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: ბლოკი “სრულიად საქართველოს აღორძინების კავშირი”, საარჩევნო ფორმა: პარტიული სიით. მისი პირველი ლექსი 1944 წელს, ხოლო პირველი პოეტური კრებული 1948 წელს გამოქვეყნდა; დადგმულია მისი სამი პიესა: “ხიხანის ძახილი”, “ვაზის ტირილი”, “გადარჩენილი უკვდავება”; მრავალი წიგნის (50-მდე წიგნის), პოეტური კრებულების, პიესების, რომანების ავტორი; მისი ნაწარმოებები თარგმნილია რუსულ, უკრაინულ, უზბეკურ, აზერბაიჯანულ, გერმანულ, უნგრულ, ჩეხურ, პოლონურ, თურქულ ენებზე. პოეტის გარდაცვალების შემდეგ მისი სახელი ბათუმის ერთ-ერთ გამზირს მიეკუთვნა. პოეტის მშობლიურ სოფელ გეგელიძეებში გახსნილია მისი სახლ – მუზეუმი, ხოლო ბათუმის სახლზე, სადაც იგი ცხოვრობდა, გაკრულია მემორიალური დაფა. ბათუმის ღვთისმშობლის ტაძრის ეზოში ყოველწლიურად ტარდება დღესასწაული “ფრიდონობა”, რომელიც შემდგომ პოეტის მშობლიურ სოფელ გეგელიძეებში გრძელდება.

წყარო: ფრიდონ ხალვაში – ბიოგრაფიული ლექსიკონი