დაბადების თარიღი: 15 სექტემბერი, 1949 (75 წლის)
დაბადების ადგილი: სოფელი ჭორვილა, საჩხერის რაიონი.
დაამთავრა თბილისის სახელმწიფო უნივერსიტეტის ისტორიის ფაკულტეტი 1972 წელს.
1974 წელს დაიწყო მუშაობა სიმონ ჯანაშიას სახელობის საქართველოს სახელმწიფო მუზეუმში; 1987 წელს დაიცვა საკანდიდატო, ხოლო 1998 წელს სადოქტორო დისერტაცია; 1999-2004წწ. საქართველოს მე-5 მოწვევის პარლამნეტის წევრი, საარჩევნო ბლოკი: “საქართველოს აღორძინება”, საარჩევნო ფორმა: პარტიული სიით; განსაკუთრებული წვლილი შეიტანა მახლობელი აღმოსავლეთისა და სამხრეთკავკასიის მატერიალური და სულიერი კვლევის სფეროში, ასევე საქართველოს ეროვნულ მუზეუმში დაცული ამ კულტურული მემკვიდრეობის მეცნიერული შესწავლისა და საერთაშორისო ასპარეზზე გატანის საქმეში; მისი მონაწილეობით განხორციელდა ქართული ვაზისა და ღვინისადმი მიძღვნილი გამოფენები გერმანიაში, იაპონიაში, ინგლისსა და საფრანგეთში, სადაც კითხულობდა ლექციებს ქართული ეთნოკულტურის შესახებ; მისი ხელმძღვანელობით მომზადდა და გამოიცა აკადემიური ნაშრომი “ქართული მატერიალური კულტურის ეთნოგრაფიული ლექსიკონი”; მნიშვნელოვანი წვლილი შეიტანა საქართველოსა სახელმწიფოსა და ეკლესიას შორის ხელშეკრულების (“კონკორდატი”) მომზადებაში; ქართული ეკლესის ისტორის შესახებ მოხსენებები აქვს წაკითხული მართლმადიდებლობისადმი მიძღვნილ საერთაშორისო კონფერენციებზე (პატმოსი, ბუქარესტი, ტალინი, რიგა); არის დამაარსებელი და რედაქტორი სამეცნიერო რეფერირებული კრებულებისა “ეთნოლოგიური ძიებანი” (2000, 2003, 2007, 2010, 2013, 2017 წლებში გამოსულია ექვსი ტომი) და “შრომები” (2018 წლისთვის გამოსულია 1 ტომი); მისი ავტორობით, თანაავტორობით და სამეცნიერო ხელმძღვანელობით რამდენიმე ათეული გამოფენა და პროექტია განხორციელებული, როგორც საქართველოში, ასევე მის ფარგლებს გარეთ; ხელმძღვანელობს საქართველოს ეროვნულ მუზეუმთან არსებულ ეთნოლოგიის, ხელოვნებათმცოდნეობისა და ისტორიის ინსტიტუტს; წლების განმავლობაში კითხულობდა ლექციებს ივანე ჯავახიშვილის სახელობის თბილისის სახელმწიფო უნივერსიტეტში ქართული ეთნოკულტურის სფეროში; საქართველოს რადიოსა და ტელევიზიის დაკვეთით, შესრულებული აქვს სამ ათეულზე მეტი საავტორო გადაცემა, ხოლო ქართულ პრესაში გამოქვეყნებული აქვს ესეები და პოლემიკური წერილები. სამხრეთ კავკასიისა და მახლობელი აღმოსავლეთის ხალხთა ეთნოკულტურის მკვლევარი – კულტუროლოგი, ისტორიის მეცნიერებათა დოქტორი.