დაბადების თარიღი: 20 ივნისი, 1950
გარდაცვ. თარიღი: 1 ივლისი, 2001 (51 წლის ასაკში)
დაბადების ადგილი: ქ. თბილისი.
დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1972 წელს.
1972-1976წწ. იყო საქტელერადიო კომიტეტის რადიოს რედაქტორი; 1976-1977წწ. რადიოს პასუხისმგებელი მდივანი; 1977-1978წწ. რადიოს უფროსი რედაქტორი; 1978-1980წწ. ტელევიზიის ლიტერატურული განყოფილების გამგე; 1980-1983წწ. საქართველოს ტელევიზიისა და რადიოს ახალგაზრდული პროგრამების მთავარი რედაქტორი; 1983-1986წწ. საქართველოს კომპარტიის ცკ-ის პრესის და ტელევიზიის სექტორის გამგე; 1986-1991წწ. საქტელერადიო კომიტეტის თავმჯდომარის I მოადგილე (გარკვეული პერიოდის განმავლობაში თავმჯდომარის მოვალეობასაც ასრულებდა). 1992 წლიდან ხელმძღვანელობდა საქართველოს ტელე-რადიო კორპორაციის ტელეკომპანია “მეორე არხს” (გენერალური დირექტორი); ცნობილია აგრეთვე მისი მოთხრობები და ნოველები, მაგ. ნოველა “უჩინარი” (თბ., 1984); თარგმნიდა გ. მარკესის ნაწარმოებებს; მის გარდაცვალებისთანავე დაარსდა მისი სახელობის საქველმოქმედო ფონდი “სიცოცხლე მშვენიერია”, რომელიც აფინანსებს კულტურულ, სპორტულ, ხელოვნებისა და განათლების პროექტებს.