დაბადების თარიღი: 1 აგვისტო, 1927
გარდაცვ. თარიღი: 22 იანვარი, 1985 (57 წლის ასაკში)

დაბადების ადგილი: ქ. თბილისი.

დაამთავრა საქართველოს შოთა რუსთაველის სახელობის თეატრალური ინსტიტუტის სარეჟისორო ფაკულტეტი 1954 წელს.

1954-1956წწ. მუშაობდა კინოსტუდია “ქართულ ფილმში“ რეჟისორის ასისტენტად; 1956-1958წწ. ქუთაისის თეატრში რეჟისორად; 1960 წელს იყო თელავის თეატრის მთავარი რეჟისორი, 1964-1975წწ. – კინოსტუდია “ქართული ფილმის” რეჟისორი, საბავშვო ფილმების კინოკავშირის სექციის და საბავშვო თეატრების საერთაშორისო ასოციაციის წევრი. მის მიერ მოზარდ მაყურებელთა თეატრში განხორციელებული დადგმები: სულხან-საბა ორბელიანის “სიბრძნე სიცრუისა”(ნ. ხატისკაცთან ერთად, რუსთაველის თეატრი), ქ. ქუჩუკაშვილის “კონკია”; “სადა ხარ, სოფიკო?” და “დღეს ჩვენ ვფიქრობთ ბარათაშვილზე”(პიესების ავტორი თ. მაღალაშვილი); ფ. შილერის “ორლეანელი ქალწული”; არის რეჟისორი მოკლემეტრაჟიანი და მხატვრული ფილმებისა: “ძნელი დასაწყისი”(1982), “არსენას სიმღერა”. თეატრისა და კინოს რეჟისორი.

წყარო: თენგიზ მაღალაშვილი – ბიოგრაფიული ლექსიკონი (nplg.gov.ge)