დაბადების თარიღი: 15 თებერვალი, 1927
გარდაცვ. თარიღი: 26 ოქტომბერი, 1997 (70 წლის ასაკში)

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1951 წელს.

1957–1970წწ. მუშაობდა ჟურნალ “მნათობში” განყოფილების გამგედ, 1970–1971წწ. პასუხისმგებელ მდივნად; 1971–1981წწ. გამომცემლობა “ნაკადულში” დირექტორად; 1981 წლიდან ჟურნალ “მნათობის” მთავარ რედაქტორად. პოეტის პირველი ლექსები 1946 წელს “ლიტერატურულ გაზეთში” დაიბეჭდა. ლექსთა პირველი წიგნი 1951 წელს გამოსცა. მას ეკუთვნის პოეტური კრებულები: “ჩემი ქუჩის დღესასწაული” (1956), “საგზალი” (1959), “ოთხივე მხრიდან” (1975), “სიჩუმე” (1978), “ლექსები” (1980), პროზაულ ნაწარმოებებს შორის აღსანიშნავია “ტალღები ნაპირისკენ მიისწრაფიან” (1957), “ბიჭი და ძაღლი” (1966), “ოქროს თევზი” (1966), “სალამურას თავგადასავალი” (1969 ), “ლუკა” (1972), “თეთრი ცხენი” (1984). გამოქვეყნებული აქვს ლექსების ათამდე კრებული, პროზა.

წყარო: არჩილ სულაკაური – ბიოგრაფიული ლექსიკონი (nplg.gov.ge)