დაბადების თარიღი: 9 ივნისი, 1929
გარდაცვ. თარიღი: 17 მაისი, 1984 (54 წლის ასაკში)

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ისტორიის ფაკულტეტი 1952 წელს, ვანო სარაჯიშვილის სახელობის თბილისის სახელმწიფო კონსერვატორია 1953 წელს(თეორიულ–საკომპოზიციო).

1955–1968წწ. ასწავლიდა ვ. სარაჯიშვილის სახელობის თბილისის სახელმწიფო კონსერვატორიაში(1963 წლიდან დოცენტი); 1968 წლიდან იყო საქართველოს ფილოსოფიის ინსტიტუტის უფროსი მეცნიერ თანამშრომელი; დაწერილი აქვს: წიგნები – “ა. მაჭავარიანის ოტელო”(1958, “Музгиз” მოსკოვი), “ა. ბალანჩივაძე”(1959, “Музгиз” მოსკოვი), “ს. პროკოფიევის საფორტეპიანო სონატები”(1962, “Музгиз” მოსკოვი), “ვერდის ოპერები შექსპირის სიუჟეტებზე”(1967, “Музгиз” მოსკოვი), “ა. ბალანჩივაძე, ნარკვევი ცხოვრებასა და შემოქმედებაზე”(1967, “ლიტერატურა და ხელოვნება” თბილისი); ნაშრომები კრებულებად – “რევაზ ლაღიძე”(1956), “ა. ბალანჩივაძის III საფორტეპიანო კონცერტი”(1956), “ს. პროკოფიევის რომეო და ჯულიეტა”(1962), “ნაციონალური სტილის დინამიკაზე”(1973), “რ. შტრაუსი”(1977, წიგნში “XX საუკუნის მუსიკა”), “რ. შტრაუსის “სალომეა” და “ელექტრა”(1984, წიგნში “მუსიკალური თანამედროვეობა”); სტატიები პერიოდულ ბეჭვდურ გამოცემებში, ჟურნალებში; ლიტერატურული ნაშრომები. საზოგადო მოღვაწე, მუსიკის კრიტიკოსი; ხელოვნებათმცოდნეობის კანდიდატი.

საკანდიდატო დისერტაციის თემა – “ანდრია ბალანჩივაძე”, დაიცვა 1959 წელს.

წყარო: გივი ორჯონიკიძე – ბიოგრაფიული ლექსიკონი