დაბადების თარიღი: 26 მარტი, 1939
გარდაცვ. თარიღი: 3 აპრილი, 2021 (82 წლის ასაკში)

დაბადების ადგილი: ქ. თბილისი.

დაამთავრა მუსიკალური სასწავლებელი (ვიოლინოს კლასი) 1957 წელს; თბილისის სახელმწიფო უნივერსიტეტის ისტორიის ფაკულტეტი 1962 წელს.

აქტიურად მონაწილეობდა არქეოლოგიურ გათხრებში, უკრავდა უნივერსიტეტის ორკესტრში; 1962-1975წწ. იყო ივანე ჯავახიშვილის სახელობის ისტორიის, არქეოლოგიის და ეთნოგრაფიის ინსტიტუტის არქეოლოგიური განყოფილების უმცროსი მეცნიერ-თანამშრომელი; მონაწილეობდა 30-მდე ქვის ხანის არქეოლოგიურ ექსპედიციაში; 1975-1985წწ. ჟურნალ “მნათობის” პროზის განყოფილების გამგე; მეთაურობდა პროზის სექციას მწერალთა კავშირში; 1985 წლიდან კინოსტუდია “ქართული ფილმის” მთავარი რედაქტორი. მისი პირველი მოთხრობები დაიბეჭდა ჟურნალ “ცისკარში” 1961 წელს; 1966 წელს გამოიცა მისი პირველი წიგნი “მთის გადაღმა”. სცენარის ავტორია ფილმების: “გამსვლელი პაიკი” (1970), “ბალადა მომღერალზე” (ანიმაციური, 1987), “ბესამე” (1989), “ჰავაური ვალსი” (1990); გადაღებულია ფილმში: “ახალი წელი” (1982). თანამედროვე ქართველი კლასიკოსი მწერალი.

წყარო: გურამ დოჩანაშვილი – ბიოგრაფიული ლექსიკონი (nplg.gov.ge)