დაბადების თარიღი: 22 აპრილი, 1933
გარდაცვ. თარიღი: 1997 (63 წლის ასაკში)

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1956 წელს.

1957-1958წწ. მუშაობდა რუსთავის მეტალურგიულ ქარხანაში; 1959-1963წწ. საქართველოს პოლიტექნიკურ ინსტიტუტში შავი ლითონების მეტალების კათედრაზე და პარალელურად, იყო გაზეთ “ლენინელის” რედაქტორი. ლიტერატურული მოღვაწეობა დაიწყო 50-იანი წლების დამლევს. მისი პირველი მოთხრობები: “საღამო”, “რაშიდა”, “თოვლიანი დღე” 1964 წელს გამოიცა. პირველი რომანი – “მეშვიდე ცა” – ასევე “ცისკარში” 1967 წელს გამოქვეყნდა და იმთავითვე დიდი რეზონანსი გამოიწვია საზოგადოებაში. ასევე ფართო გამოხმაურება მოჰყვა მწერლის მეორე როამანს – “თვალი პატიოსანი”, შემდგომ კი რომანებს – “აქტიური მზის წელიწადი” და “სპირალი”. იგი არის არაერთი პუბლიცისტური ნარკვევის, სამეცნიერო-პოპულარული სტატიისა და დოკუმენტური პროზის ავტორი. 1963-1974წწ. გ. ფანჯიკიძე ჯერ ჟურნალ “ცისკრის”, შემდგომ გაზეთ “ლიტერატურული საქართველოს” პასუხისმგებელი მდივანია; 1974-1977წწ. ალმანახ “განთიადის”, ხოლო 1977-1979წწ. ჟურნალ “ცისკრის” მთავარი რედაქტორია. 1979 წლიდან გამომცემლობა “საბჭოთა საქართველოს” დირექტორია. იყო მისივე ნაწარმოებების მიხედვით გადაღებული ფილმების : “ლევან ხიდაშელი”, “თვალი პატიოსანი” და “სპირალი” – სცენარის ავტორი.

წყარო: გურამ ფანჯიკიძე – ბიოგრაფიული ლექსიკონი (nplg.gov.ge)