დაბადების თარიღი: 27 ივლისი, 1937
გარდაცვ. თარიღი: იანვარი, 1997 (59 წლის ასაკში)

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1963 წელს.

1956–1958წწ. იყო ზუგდიდის სამუსიკო სკოლის პედაგოგი; 1958 წლიდან ლექტორი–მუსიკათმცოდნე; 1963–1970წწ. იყო თბილისის II სამუსიკო სასწავლებლის პედაგოგი; 1966–1970წწ. საქართველოს ტელევიზიის მუსიკალური გადაცემების მთავარი რედაქტორი, 1977 წლიდან მუსიკალური მაუწყებლობის მთავარი კონსულტანტი, 1979–1982წწ. საქართველოს სახელმწიფო ტელერადიო კომიტეტის მუსიკალური პროგრამების რედაქციის მთავარი რედაქტორი; 1970 წელს საქართველოს კულტურის სამინისტროს ძეგლთა დაცვის კომიტეტის ინსპექტორი; 1970 წლიდან კინოსტუდია “ქართული ფილმის” მუსიკალური განყოფილების უფროსი; 1982 წლიდან ფილარმონიის გენერალური დირექტორის მოადგილე, შემდეგ სამხატვრო ხელმძღვანელი; ავტორია წიგნებისა: “გაზაფხული, თბილისი, მუსიკა”(1965), წერილებისა და სტატიებისა რომლებიც გამოქვეყნებულია ჟურნალ “საბჭოთა ხელოვნებასა და რესპუბლიკურ პრესაში; წერილებისა ქართველ მუსიკოსთა და კომპოზიტორთა შესახებ სხვადასხვა ენციკლოპედიური გამოცემებისათვის; სცენარის ავტორი ფილმებისა: “ყოჩაღად, პაპებო!”(1981, მხატვრული ფილმი) და “ქება ვაზისა”(1988, დოკუმენტური ფილმი).

წყარო: ევგენი მაჭავარიანი – ბიოგრაფიული ლექსიკონი (nplg.gov.ge)