დაბადების თარიღი: 1 სექტემბერი, 1990 (34 წლის)
დაამთავრა საქართველოს შოთა რუსთაველის თეატრისა და კინოს სახელმწიფო უნივერსიტეტი, მხატვრული კინოს რეჟისორის პროფესიით 2011 წელს.
2011 წელს გახდა სტუდენტური ლიტერატურული კონკურსის “შემოდგომის ლეგენდის” გამარჯვებული მოთხრობით “ალჩუ”. 2012 წელს ამავე მოთხრობის მიხედვით გადაიღო მოკლემეტრაჟიანი ფილმი “ბაბაზი”. გადაღებული აქვს რამდენიმე სატელევიზიო დოკუმენტური ფილმი. 2012 წლიდან მისი მოთხრობები იბეჭდება ლიტერატურულ პერიოდიკაში. 2014 წლიდან მუშაობს სერიალ “ტიფლისის” სცენარისტად. ამავე წელს გამომცემლობა “ინტელექტმა” გამოსცა მისი სადებიუტო წიგნი “ვცადე”. 2018 წელს გამოიცა მისი პირველი რომანი “ფსკერის სახარება”. არის არასამთავრობო ორგანიზაცია “საერთაშორისო გამჭვირვალობა – საქართველოს” სპეციალური პრემიის – “საბჭოთა და პოსტსაბჭოთა ისტორიის რეფლექსია ქართულ ლიტერატურაში” მფლობელი რომანისთვის “ბუნკერი”; იგი პირველი ავტორია, ვინც განახლებული ფორმატის, ევროკავშირის ლიტერატურული პრემიის (EUPL) მფლობელი გახდა რომანისთვის “ბუნკერი” (2022). სხვა წლებისგან განსხვავებით, ჟიურიმ ამჯერად მხოლოდ ერთი, მთავარი გამარჯვებული დაასახელა. მისი მოთხრობა “ცა” შესულია ბრიტანულ და გერმანულ ანთოლოგიებში.