ოფიციალური სახელი: იოსებ ჩხაიძე
დაბადების თარიღი: 18 მარტი, 1937
გარდაცვ. თარიღი: 3 აგვისტო, 1992 (55 წლის ასაკში)
დაბადების ადგილი: ქ. თბილისი.
დაამთავრა საქართველოს სახელმწიფო პოლიტექნიკური ინსტიტუტი 1960 წელს; 1964-1969წწ. სწავლობდა საკავშირო კინემატოგრაფიის ინსტიტუტში.
1961 წლიდან მუშაობდა საქართველოს ტელე-რადიომაუწყებლობის სახელმწიფო კომიტეტში, ჯერ რეჟისორის ასისტენტად, ხოლო შემდეგ – კინორეჟისორად. მისი მოღვაწეობა მჭიდროდ უკავშირდება საქართველოს სატელევიზიო ფილმების სტუდიას. დამდგმელი რეჟისორია ფილმების: “კოლხეთი” (დოკუმენტური, 1967), “ძველი ქართული საგალობლები”(დოკუმენტური, 1970), “მეთხუთმეტე ზაფხული” (1971), “თუში მეცხვარე” (1976), “მარიამ ბაგრატიონის მოგზაურობა”(დოკუმენტური, 1990), “შვიდკაცა” (1992); სცენარის ავტორია ფილმების: “ძველი ქართული საგალობლები”(დოკუმენტური, 1970), “მეთხუთმეტე ზაფხული” (1971), “თუში მეცხვარე” (1976), “მარიამ ბაგრატიონის მოგზაურობა”(დოკუმენტური, 1990), “შვიდკაცა” (1992).