დაბადების თარიღი: 1 მაისი, 1913
გარდაცვ. თარიღი: 29 აგვისტო, 1990 (77 წლის ასაკში)

დაბადების ადგილი: სოფელი კარდენახი, გურჯაანის რაიონი.

დაამთავრა კინემატოგრაფიის საკავშირო ინსტიტუტის სარეჟისორო ფაკულტეტი.

ინსტიტუტის დამთავრების შემდეგ, 1936 წელს დაბრუნდა თბილისში და მუშაობა დაიწყო თბილისის კინოსტუდიაში დოკუმენტური ფილმების რეჟისორად. კინოქრონიკაში მუშაობის პერიოდში გადაღებული აქვს მრავალი დოკუმენტური კინო-ჟურნალი და ნარკვევი. დამდგმელი რეჟისორია ფილმების: “აჭარის სანაპიროზე” (დოკუმენტური, 1940), “სამხრეთ ოსეთი” (დოკუმენტური, 1951), “მანანა” (1958), “თხუნელა” (1962), “მოლანდება” (1975); სცენარის ავტორია ფილმის: “აჭარის სანაპიროზე” (დოკუმენტური, 1940).

წყარო: შალვა მარტაშვილი – ბიოგრაფიული ლექსიკონი (nplg.gov.ge)