მამის გარდაცვალების შემდეგ ღარიბ ერთაოზს სოფელში თუ რამე ებადა მამის ვალებში დაარიგა და ბედის საძებნელად ქალაქს მიაშურა, სადაც შემთხვევით გაიცნობს მემანქანის მეუღლეს მარგალიტას, რომელიც ქმრის არყოფნის დროს თაყვანისმცემლებს მასპინძლობს. მარგალიტაზე შეყვარებული ერთაოზი ქალს ციხის უფროსის მოშორებაში ეხმარება. განრისხებული ხუტა-უფროსი ერთაოზს სატუსაღოში გამოამწყვდევს სადაც ის უცნაურ პატიმარს ქრისტეფორეს გაიცნობს, რომელიც ცათმფრენის გამოგონების იდეას გაუზიარებს. ,,შერეკილებად“ მონათლული პატიმრები მართლაც ააგებენ ცათმფრენს, ციხიდან გაიქცევიან და ყველას გასაოცრად ცაში აიჭრებიან.