დაბადების თარიღი: 13 თებერვალი, 1900
გარდაცვ. თარიღი: 25 ოქტომბერი, 1973 (73 წლის ასაკში)
დაბადების ადგილი: ქ. ქუთაისი.
სწავლობდა თბილისის სახელმწიფო უნივერსიტეტის იურიდიულ ფაკულტეტზე 1921 წლიდან; დაამთავრა რუსთაველის თეატრთან არსებული სტუდია აკაკი ფაღავას ხელმძღვანელობით.
ჯერ კიდევ 12 წლის მოსწავლემ, ქუთაისის კლასიკური გიმნაზიის სცენაზე დადგა ი. ჭავჭავაძის “კაკო ყაჩაღი” და თვითონაც მონაწილეობდა როგორც მსახიობი; მოღვაწეობდა რუსთაველის თეატრში; სხვადასხვა დროს მუშაობდა რუსთაველის თეატრის, სახელმწიფო ცირკის, გრიბოედოვის სახელობის რუსული დრამატული თეატრის დირექტორად; იგი კოტე მარჯანიშვილს მხარში ედგა ქუთაისში ახალი თეატრის ჩამოყალიბების საქმეში; მას დიდი წვლილი მიუძღვის 1929-1930წწ. ამ სახელოვანი კოლექტივის გასტროლებში, როდესაც თეატრმა თავისი მდიდარი შემოქმედება გაიტანა ხარკოვსა და მოსკოვში; კოტე მარჯანიშვილის გარდაცვალების შემდეგ იგი წავიდა თეატრიდან და “სახკინმრეწვში” დაიწყო მუშაობა; ახალგაზრდა მსახიობი მთავარ როლებს ასრულებდა ფილმებში: “პრომეთე”, “ზაპოროჟიელი დუნაის გაღმა” და სხვა; მიღებული აქვს ორდენები და მედლები; თეატრალური მოღვაწე.