მეცამეტე საუკუნეში შორეული აღმოსავლეთიდან შემოსეულმა ურდოებმა წალეკეს მთელი აზია, ევროპის დიდი ნაწილი და ამიერკავკასიაც დაიმორჩილეს. საქართველოს ძლიერებას ბოლო მოეღო, ქვეყანას ფიზიკური განადგურება ემუქრებოდა. ქართლის ბედი დიდად იყო დამოკიდებული იმაზე, თუ როგორ წარუძღვებოდა საქვეყნო საქმეებს ახალგაზრდა მეფე დიმიტრი მეორე. მეფის თავგანწირვამ ქართველი ერი გადაგვარებას გადაარჩინა. მადლიერმა ქართველმა ერმა მეფე დიმიტრის თავდადებული უწოდა.