დასავლეთის ქვეყნის ფირმა კოკაინის კონტრაბანდით ჯიბეს ისქელებს, საქმიანობის შესანიღბად მიწის ნაკვეთებს იაფად იძენს და უმუშევარ ქალაქელებზე იჯარით გასცემს, აკაბალებს მათ. ფირმის მმართველი იაკობი თავის მიერ შეცდენილ გოგონას ერთ–ერთ კოლონისტს, ყოფილ მაწანწალას მიათხოვებს. ქორწილში ეწვევა და ახლად დაქორწინებულებს შეუღლებას მიულოცავს. მისი ურცხვობით გამწარებული პატარძლის მამა მმართველზე გაიწევს, მაგრამ იგი ძირს დასცემს მოხუცს. აღშფოთებული კოლონისტები მჩაგვრელთა წინააღმდეგ გაილაშქრებენ.