მიქელას მრავალრიცხოვან ოჯახს უკურნებელი სენი გაანადგურებს, მხოლოდ რძალი და ორი შვილიშვილი შემორჩება. კერიის გაცივების შიშითა და გვარის გადარჩენის ინსტიქტით შეპყრობილი მიქელა ბოროტ სულთა განსადევნად სახლს ადგილს შეუცვლის და უმცროს შვილიშვილს სხვა სოფელში გახიზნავს. უფროსს სპიდონას კი, რომელზეც ყველას უამბობს, რომ ,,უფალმა საიქიოდან მოაბრუნა და ერთი წლის შემდეგ უკან წაიყვანსო“, ფაცხაში დააბინავებს. ღამე ქარიშხალი ამოვარდება. მიქელას სწამს, რომ ბავშვს ღვთის დანიშნულ დროზე ადრე არაფერი მოუვა და უყურადღებოდ მიატოვებს. მოვარდნილი ნიაღვარი სპიდონას დაახრჩობს.