მწყემს ბიჭს ბესამეს ბედი გაუღიმებს, მოხუცი მაესტროს დახმარებით კონსერვატორიის სტუდენტი გახდება და ფლეიტაზე დაკვრის სწავლას დაიწყებს. მაესტროს წესიერებით თავმობეზრებული მთავარმართებელი და სხვა შურიანები მოხუცის თავიდან მოშორებას გადაწყვეტენ. ბესამეს კი ცხოვრების დაუნდობელი წესების შესასწავლად კარცერში გამოამწყვდევენ. აქ მას სულს გაუწამებენ, მუსიკას დაავიწყებენ, ფულს შეაჩვევენ, ძლიერ ცხოველად აქცევენ. ბესამეს სიძლიერე ყველას აშინებს. მას ხელში დიდ დოლს მიცემენ, რათა ბრახუნით ქალაქი გააღვიძოს. ყმაწვილს ისევ მაესტრო იხსნის. ფლეიტის ხმა ბესამეს მთელ სიბინძურეს ჩამორეცხს, სიყვარულსა და თავისუფლებას დაუბრუნებს.