რუსეთის მეფის მთავრობა ჩეჩენი ხალხის მშობლიური მიწიდან აყრის საბაბს ეძებს, რათა სანაცვლოდ რუსი კაზაკები ჩაასახლოს. მოსახლეობა გუბერნატორს სოფლად დარჩენის თხოვნით არზას გაუგზავნის. პროვოკატორ სეიდულასა და მეფის მოხელეთა დახმარებით არზას შეცვლიან, გადასახლებაზე თანხმობის ყალბ საბუთს წერა-კითხვის უცოდინარ მოსახლეობას თითის ანაბეჭდით დაადასტურებინებენ და მოტყუებულ ხალხს თურქეთის გზას გაუყენებენ. ჩეჩენ ელისოს და მოხევე ვაჟიას განშორება სტანჯავს. წასვლის წინ, სასოწარკვეთილი ცეცხლს მისცემს დაცარიელებულ სოფელს. ვაჟია გენერალს გადასახლების ბრძანების გაუქმებას აიძულებს, მაგრამ დააგვიანებს.