მთებში მიკარგული მოუსავლიანი სოფლის საბუდარას მკვიდრნი სახლ-კარს ტოვებენ და ბარში ახლადგაშენებულ სოფლებში სახლდებიან. მშობლიურ კერას მხოლოდ მეთუნე საჩინო ვერ წყდება. საჩინოს ვაჟი გოგიტა სახლს ფარულად ტოვებს და მონატრებულ სატრფოს  თებროლეს და სამუშაოს საძებნელად ქუთაისს მიაშურებს. მუშაობას ავტოქარხანაში იწყებს. იგი შემთხვევით თებროლეს შეხვდება, მაგრამ ქალიშვილს დახლიდარი უშანგი გადაკიდებია. გოგიტა ქალიშვილს უშანგის ჩამოაშორებს და ცოლად შეირთავს. შვილის ქორწილის შემდეგ სოფელს საჩინოც გამოემშვიდობება.