მეორე მსოფლიო ომის პერიოდი. გურიის ერთ-ერთი სოფელი. მის მახლობლად დასახლებული ბოშები. კოცონის გარშემო ნამღერი სიმღერები მიიზიდავს სოფლის ბავშვებს. მჭედელს საქმე არ ელევა. გურული ქალები მკითხავისაგან ფრონტზე მყოფი ახლობლების ბედის გაგებას ცდილობენ, სანაცვლოდ კი ბოშებს საჭმელ–სასმელს აწვდიან. ახალშობილ ბოშა ბიჭს დაღუპული თანასოფლელის სახელს დაარქმევენ… ბოშები როგორ ცმოვიდნენ, ისე ჩუმად გაიპარებიან. მასპინძლის საქონელსა და ნივთებსაც თან გაიყოლებენ. გურულები აღშფოთდებიან, მაგრამ როდესაც მილიცია ბოშებს ქურდობისათვის დააკავებს, იტყვიან, რომ მათ ყველაფერი თვითონ აჩუქეს.