ქეთევან ახატნელი მეტეხის ციხიდან გამოქცეულ რევოლუციონერს ზურაბ გურგენიძეს შეიფარებს და ამ დღიდან რევოლუციის გულშემატკივარი გახდება. ახატნელების ოჯახში სხვადასხვა პოლიტიკური შეხედულების ადამიანები ცხოვრობენ. არალეგალური საქმიანობისათვის დაპატიმრებული ძმის ციხიდან განთავისუფლების სანაცვლოდ ქეთოს ჟანდარმთა როტმისტრს კლიმიაშვილს მიათხოვებენ. იგი ცოლს აგენტს მიუჩენს და გურგენიძის ორგანიზაციას აღმოაჩენს. ქეთო იძულებული გახდება ამხანაგების გადასარჩენად ქმარი მოკლას, მაგრამ კლიმიაშვილი საპასუხო გასროლას მოასწრებს. დაჭრილი ქეთო რევოლუციონერებს საფრთხის შესახებ შეატყობინებს და ზურაბს ხელში ჩააკვდება.