საშუალო სკოლის დამთავრების შემდეგ ახალგაზრდა მთიელები გადაწყვეტენ მეტალურგები გახდნენ. ძველ მეფოლადეთა შთამომავალი, მეათეკლასელი ვეფხია ხალიბაურიც ოცნებობს შეისწავლოს ფოლადის დნობის საიდუმლოება. სხვებთან ერთად იგი რუსეთში ურალის მხარეში მიემგზავრება მეტალურგიის შესასწავლად. სოფლად ვეფხია თავის სატრფოს, ლელას ტოვებს. ახალგაზრდები ერთმანეთს ერთგულებას ეფიცებიან. პირველ ხანებში ვეფხია ხალიბაურს ძალიან უჭირს უცხო მხარეში, მაგრამ ის მარტო არ არის. მამასავით ეპყრობა ვეფხიას მისი მასწავლებელი, ცნობილი მეფოლადე ბულანოვი. ბულანოვის ოჯახში ვეფხია თავს ისე გრძნობს, როგორც საკუთარ სახლში. ახლო მეგობრებიც გაუჩნდა ვეფხიას, მათ შორის ბულანოვის ქალიშვილი ნასტიაც. ვეფხია მოუთმენლად ელის ლელასთან შეხვედრას, მაგრამ შეიტყობს, რომ ლელა მგელიკას წაყოლია ცოლად. გულგატეხილ გელას მეგობრები დაარწმუნებენ, რომ მგელიკა მოტყუებით ცდილობდა ლელაზე დაქორწინებას, რომელიც ქორწილის დღიდან გაპარვია და რუსთავში მეტალურგიულ ქარხანაში მოწყობილა სამუშაოდ. დარწმუნდა რა ვეფხია, რომ ლელას ერთი დღეც არ უცხოვრია მგელიკასთან, ლელას მოუბრუნდება და დაქორწინდებიან.